мая ў ДУА "Олтушская сярэдняя школа імя А.Н.Алесіка" адбылася ўрачыстая лінейка, прысвечаная святу "Апошняга званка".

 Разам з выпускнікамі і калектывам школы ў мерапрыемстве прынялі ўдзел намеснік старшыні аблвыканкама Бацэнка М.Л., загадчык аддзела па адукацыі райвыканкама Пятручык А.В., старшыня СУП "Савушкіна" Гусак С.І., кіраўнік аддзела ўнутраных спраў райвыканкама Кушняроў Д.М., настаяцель храма аг.Олтуш пратаіерэй Уладзімір.

 Кожны з гасцей свята звярнуўся са словамі віншавання да выпускнікоў, іх бацькоў і настаўнікаў.

 Намеснік старшыні аблвыканкама Бацэнка М.Л. падзякаваў дырэктару школы і ўсяму калектыву за поспехі ў працы і ўручыў сертыфікат на персанальны камп'ютар.

 Дырэктар школы Марук А.Л. ўручыла вучням граматы за выдатную вучобу і падзякавала ўсяму калектыву за плённую працу.

 Старшыня СУП "Савушкіна" Гусак С.І. узнагародзіў ад імя прадпрыемства грашовымі прэміямі вучняў школы, якія сталі пераможцамі разнастайных алімпіяд і конкурсаў.

 Мерапрыемства завяршылася развітальным словам выпускнікоў і вясёлым і адначасова сумным гучаннем апошняга званка.

 Школьны калектыў нашай ўстановы адукацыі ўсім выпускнікам краіны жадае поспехаў. У добры шлях!!!